Ресей президенті Владимир Путин мемлекеттік сапармен Қазақстанға келді. Сапар аясында Қазақстан мен Ресей президенттері XX Қазақстан-Ресей өңіраралық ынтымақтастық форумына қатысады, жоғары деңгейдегі келіссөздер өткізеді және екіжақты құжаттарға қол қояды.
Ресей президенті Владимир Путин мемлекеттік сапармен Қазақстанға келді. Сапар аясында Қазақстан мен Ресей президенттері XX Қазақстан-Ресей өңіраралық ынтымақтастық форумына қатысады, жоғары деңгейдегі келіссөздер өткізеді және екіжақты құжаттарға қол қояды.
Қазақстан мен Ресей арасындағы ғылыми-білім беру саласындағы ынтымақтастық белсенді дамып келеді. 240-тан астам бірлескен ғылыми жобалар экология, медицина және технологиялар сияқты бағыттарды қамтиды. Қазақстандық студенттер Ресейдегі шетелдік білім алушылар арасында ең үлкен топ болып табылады, олар білім гранттары мен университетаралық келісімдер арқылы қолдау алады. Сонымен қатар, Қазақстанда Ресейдің МГИМО филиалын ашу мәселесі талқылануда.
Өз кезегінде, Рудный индустриялық университеті ресейлік жоғары оқу орындарымен серіктестік байланыстарын белсенді дамытып келеді, бірлескен ғылыми зерттеулерге, академиялық ұтқырлық бағдарламаларына және тәжірибе алмасуға қатысуда. Мұндай бастамалар білім сапасын арттыруға, ғылыми көкжиегін кеңейтуге және екі елдің академиялық қауымдастықтары арасындағы достық қарым-қатынастарды нығайтуға ықпал етеді. РИУ мен Ресейдің жоғары оқу орындары арасында қос дипломды бағдарламалар жүзеге асырылуда, мысалы, Б.Н. Ельцин атындағы Урал федералдық университетімен «Халықаралық және корпоративтік менеджмент» білім беру бағдарламасы және Томск мемлекеттік архитектура-құрылыс университетімен «Тіршілік әрекетінің және қоршаған ортаның қауіпсіздігі» білім беру бағдарламасы бойынша.
Сапардың негізгі тақырыптарының бірі білім беру, ғылым және мәдениет саласындағы ынтымақтастықты нығайту болады. Бұл екі елдің университеттері мен ғылыми орталықтары арасындағы гуманитарлық байланыстарды тереңдетуге және тәжірибе алмасуға жаңа мүмкіндіктер ашады.
