25.06.2024 ж. ғылыми кеңестің кеңейтілген отырысында ҚР ҒЖБМ аппарат басшысы жаңа Басқарма Төрағасы-Ректор Нұрбек Пажарбекұлы Сапарходжаевпен таныстырды
25.06.2024 ж. ғылыми кеңестің кеңейтілген отырысында ҚР ҒЖБМ аппарат басшысы жаңа Басқарма Төрағасы-Ректор Нұрбек Пажарбекұлы Сапарходжаевпен таныстырды.
Таныстыру барысында Н.П.Сапарходжаевтың жоғары және жоғары оқу орнынан кейінгі білім беру саласындағы, оның ішінде басшылық лауазымдардағы үлкен жұмыс тәжірибесін, оның елеулі ғылыми әлеуеті мен ұйымдастырушылық қабілеттерін атап өтті. ЖОО-ның жаңа ректорының ҚР ҒЖБМ жоғары және жоғары оқу орнынан кейінгі білім комитеті төрағасының орынбасары лауазымындағы жұмыс тәжірибесін, сондай-ақ шет тілдерін еркін меңгергенін айтты. Н.П.Сапарходжаев Рудный индустриялық университетінің Директорлар кеңесінің жұмысын басқарды және оның қызметінің ерекшеліктерімен жақсы таныс.
Өз кезегінде, ғылыми кеңес мүшелерінің алдында сөз сөйлеген Н.П.Сапарходжаев университет ұжымының алдында білім беру қызметтерінің қазіргі заманғы нарығында стратегиялық даму және тартымдылықты арттыру тұрғысынан үлкен міндеттер тұрғанына назар аударды.
ПОҚ және студент жастар арасынан келген өкілдер ЖОО-ның жаңа басшысына «Рудный индустриялық университеті» КЕАҚ Басқарма Төрағасы-Ректоры лауазымындағы қызметіне сәттілік пен табыс тіледі.
